Ënnert dem Haut Patronage vum der Gemeng Conter, dem Kulturministère an dem Wirtschaftsministère
Auteur vun der Affiche 2023: Thierry Capezzone
29. Internationale Festival vun der Bande Dessinée zu Conter
Grand-Duché de Luxembourg
15. an 16. Juli 2023
Déi 29. Editioun vum Internationale BD Festival zu Contern fënnt de 15. a 16. Juli 2023 statt an d’Organisatiouns-Ekipp ass scho matten an der Virbereedung!
Markéiert iech dësen Datum rout an ärem Agenda fir een onvergiesslech Weekend voller Convivialitéit a Entertainment fir Jonk an Al. Dëst alles ënnert dem Zeeche vun der BD!
1.
L’introduction…
À propos du Festival
Wat kënnt Dir um BD-Festival maachen?
Wien ass eis Zilgrupp? Sidd Dir Fan vu Comics/BDs? Da sidd Dir gutt servéiert mat enger Rei vun iwwer 50 Auteuren, déi belsch, franséisch, lëtzebuergesch, däitsch a brittesch BDe mat bréngen. Amerikanesch BDen, franséisch-belsch Comics, Jugend-Comics, Fantasie-Comics, Mangaen – et gëtt eppes fir all Goût an Alter. Dir hutt d’Méiglechkeet Är Liiblingskënschtler ze treffen, awer och neier ze entdecken an hinnen en Autogramm ze froen.
Dir kënnt och d’Stroosse vum Duerf trëppelen (déi fir de Verkéier gespaart ass) an d’Verkafsstänn kucke fir Alles wat nach an Ärer Sammlung feelt.
Sicht Är Famill no engem gesellege Moment?
Mir proposéieren de ganze Weekend e Programm fir déi Kleng mat kreativen Atelieren, Outdooraktivitéiten, wéi engem Sprangbuerg mam Bild vun eisem Lëtzebuerger Comicheld Superjhemp. Mat eisem Kidspass kënnen d’Kanner op verschiddene Stänn Timbere sammelen an d’Welt vun der BD entdecken. Et wäerten och reesend Kënschtler do sinn, deenen hir Performancen Dir bewonnere kënnt. Kuckt an eiser Fotosgalerie fir en Abléck an déi festlech Atmosphär vun eisem Festival ze kréien!
All Aktivitéiten si gratis!
A fir jiddereen …
De BD-Festival ass natierlech d’Fest vun der BD, awer et ass och e gemittleche Festival wou Dir iech mat Frënn kënnt treffen fir bei engem Patt ze relaxen an eisen Museker no ze lauschteren. Eis lokal Associatiounen si präsent, fir datt eis Visiteuren gutt versuergt si a komfortabel sinn.
Loosst Iech verféieren an entdeckt Contern, d’Duerf vun der BD.
Aweiung vum Monument « Village de la BD » den 8. Juli 2022
De BD-Auteur Thierry Capezzone ass den Éierepresident vum BD-Festival 2023. Wärend deenen 2 Deeg vum Festival wäert hie present sinn an seng neiste Wierker dedicacéieren. Hien huet doriwwer eraus d’Affiche vum dësjärege Festival kreéiert op där dir säi Referenz-Charakter – de Petzi- a de Wéngerte vum Miselerland kënnt entdecken.
Am Hannergrond gesäit een d’Schengener Schlass op där lénkser Säit. Op der rietser Säit ass d’Monument vum Accord de Schengen ze gesinn, deen déi frei Zirkulatioun vu Meschen a Wueren a 26 Europäesche Länner symboliséiert an domat Schengen zur bekanntster lëtzebuergescher Uertschaft weltwäit gemaach huet. Amplaz Drauwen ze liesen, pléckt de Petzi zesumme mat senge Frënn BDen, a mir kennen iech garantéieren, den dësjärege Joergang gëtt een excellenten!
Nieft him wäerte méi wéi 50 weider Auteuren iech wëllkomm heeschen an Dedicacen ubidden.
Fir weider Informatiounen, kuckt laanscht op de soziale Medien (Instagram, Facebook) a kuckt reegelméisseg op eiser Homepage. Bis geschwënn!
Photo: Yvan Molinaro
Wat eng Ambiance!
Gallerie 2022
