o senger Ausbildung zum Comiczeechner zu Léck fänkt de Batem bei engem Verlag un deen op „Merchandising“ spezialiséiert ass. Hien ass do responsabel fir „l’oiseau Shoe“, „les Snorkels“ an och fir de „Marsupilami“.

Well den André Franquin, de Kreateur vum „Marsupilami“ ëmmer nach enk mat senger Figur verbonnen ass, kräizen sech d’Weeër vun deenen zwee. Enges Daags fuerdert de Jean François Moyersoen, dee kuerz virdrun d’Rechter vum „Marsupilami“ iwwerholl huet, de Batem op, d’Figur fir eng néi Serie vun Albumer och ze zeechnen. De Batem ass fir d’éischt iwwerrascht, well hien sech seet, dass esou glécklech Ëmstänn eigentlech nëmmen a Comicen virkommen. Wéi de Franquin perséinlech him awer dës Nouvelle confirméiert, fänkt och de Batem un drun ze gleewen. „ Ech war glécklech, duerno huet awer d’Angscht d’Emotioun ofgeléist…. Hätt awer ee mir ugebueden dem Franquin seng Planchen ze radéiren, ech hätt dat och gemaach…“ erënnert sech de Batem.

Am Joer 1987 entsteet dunn den éischten Album an nëmmen véier Méint. Dësen Album heescht “La queue du Marsupilami (dt. Tumult in Palumbien)“. Haut ass de Batem als een vun de gréissten humoristesche Comiczeechner vu senger Generatioun unerkannt.